वालिङमा जीप दुर्घटना हुँदा दुई जना घाईते, चालक प्रहरीको नियन्त्रणमा

स्याङ्जा, २० बैशाख । स्याङ्जा, वालिङ नगरपालिकामा जीप दुर्घटना हुँदा दुई जना घाईते भएका छन् ।

वालिङ् नगरपालिका वडा नं ४ एलादीस्थित भित्र सडकमा वालिङ्बाट मनकामना जादैँ गरेको ग १ ज ६५१८ नंम्बर जीप हिजो शनिबार दिउँसो १६:५० दुर्घटना हुँदा २ जना घाईते भएको प्रहरीले बताएको छ ।

जिल्ला प्रहरी कार्यालय स्याङ्जाका प्रवक्ता एवम् सुचना अधिकारी राजेन्द्र प्रसाद अधिकारीका अनुसार जीप दुर्घटनामा परी घाईते हुनेमा जीपमा सवार वालिङ् नगरपालिका वडा नं ४ एलादी बस्ने ३४ वर्षीय रोशन गुरुङ र विरुवा गाउँपालिका वडा नं ७ बस्ने ३४ वर्षीय कौशिला गुरुङ रहेका छन् ।

जीप अनियन्त्रित भई सडकबाट अन्दाजी २ मिटर तल खस्न जाँदा घाईते भएको उनीहरुको प्राथमिक स्वास्थ्य केन्द्र वालिङमा उपचार भइरहेको छ । घाईते रोशनको अवस्था सामान्य रहेको र कौशिला अवस्था मध्यम रहेको प्रहरीले बताएको छ ।

प्रहरीले चालकलाई नियन्त्रणमा लिई थप अनुसन्धान गरिरहेको जनाएको छ ।

स्याङ्जामा आज मात्रै ९८ जनामा कोरोना संक्रमण पुष्टि