स्याङ्जा, १२ जेठ । स्याङ्जाको पुतलीबजार नगरपालिकाबाट गुणस्तरहिन स्यानिटाईजर बिक्री गरेको आरोपमा एक पुरुष सोमबार दिउँसो पक्राउ परेका छन् । पक्राउ पर्नेमा पुतलीबजार नगरपालिका १ बस्ने ४७ वर्षीय देवेद्र पौडेले रहेको प्रहरीले बताएको छ ।
जिल्ला प्रहरी कार्यालय स्याङ्जाको अनुसार पुतलीबजार नगरपालिका १ प्रगतिनगर घुम्तिस्थित मित्र काफ्लेको घरमा सोही ठाउँ बस्ने पौडेलले लुकाई राखेको गुणस्तरहिन स्यानिटाईजर बरामद गरेको बताएको छ ।
पौडेलको कोठाबाट उत्सव डिटर्जेट एण्ड कस्मेटिक उद्योगबाट उत्पादित हेण्ड सेनिटाईजर ९० लिटर, गोलेबल हेल्थ केयर भारत लेखिएको हेण्ड सेनिटाईजर ९० लिटर र पुतलीबजार नगरपालिका १ चन्द्रनगर घुम्तीस्थित दिलिप श्रेष्ठको रोल बराह सप्तायर्सबाट १२ लिटर गरी १९२ लिटर स्यानिटाईजर बरामद गरिएको जिल्ला प्रहरी कार्यालय स्याङ्जाका प्रवक्ता एवम् सूचना अधिकारी राजेन्द्रप्रसाद अधिकारीले जानकारी दिनुभयो ।
प्रहरीले पौडेललाई कालोबजार सम्बन्धी कसुरमा मुद्दा दर्ता गरी अदालतबाट म्याद थप अनुमति लिई अनुसन्धान गरिरहेको जनाएको छ ।
यो पनि पढ्नुहोस्:स्याङ्जाबाट गुणस्तरहिन स्यानिटाईजर बरामद
No comments:
Post a Comment
Welcome To BIKRAM SHAHI