चापाकोटबाट सालको काठसहित एक जना पक्राउ

स्याङ्जा, २१ चैत । स्याङ्जा, चापाकोट नगरपालिकाबाट अवैध काठसहित एक युवक शनिबार बेलुका ६ बजे पक्राउ परेका छन् ।

पक्राउ पर्नेमा चापाकोट नगरपालिका वडा नं ९ फुलबारी बस्ने सुन्दर परियार रहेको प्रहरीले बताएको छ ।

जिल्ला प्रहरी कार्यालय स्याङ्जाका प्रवक्ता एवम सूचना अधिकारी प्रहरी नायव उपरीक्षक राजेन्द्र प्रसाद अधिकारीका अनुसार ईलाका प्रहरी कार्यालय चापाकोट स्याङ्जाबाट खटिएको प्रहरी अधिकृतसहितको टोलीले परियारलाई ग १ ज ७३८३ नम्बरको बलेरो जिपमा चार पाटे सालको काठ २१ थान लुकाई चापाकोटतर्फ लैजादैँ गरेको अवस्थामा फेला परेको हो ।

सालको काठसहित प्रक्राउ परेका उनीलाई स्थानीय, जनप्रतिनिधि र वन कार्यालयका कर्मचारीहरुको रोहबरमा आवश्यक कारवाहीको लागि सब डिभिजन वन कार्यालय दामाचौर स्याङ्जा बुझाएको प्रहरीले बताएको छ ।

यो पनि पढ्नुहोस् :-

उपचार नपाउँदा कष्टकर जीवन बिताउँदै ज्येष्ठ नागरिक द्रौपदी