स्याङ्जा, २९ चैत । स्याङ्जा, भिरकोट नगरपालिकामा करेन्ट लागेर एक पुरुषको मृत्यु भएको छ ।
भिरकोट नगरपालिका वडा नं ७ हेलुस्थित आधिँखोलामा माछा मार्ने क्रममा सोही नगरपालिका वडा नं ७ लामाचौर बस्ने ३४ वर्षीय बिवेक खाँणको शनिबार मृत्यु भएको प्रहरीले बताएको छ ।
जिल्ला प्रहरी कार्यालय स्याङ्जाका अनुसार खाँणले आधिँखोलामा मेनलाईनबाट करेन्ट लगाई माछा मार्ने क्रममा करेन्ट लागेको र उनको प्राथमिक स्वास्थ्य केन्द्र वालिङमा उपचारको क्रममा मृत्यु भएको हो ।
घटनाको सम्बन्धमा प्रहरीले थप अनुसन्धान गरिरहेको जनाएको छ ।
No comments:
Post a Comment
Welcome To BIKRAM SHAHI